هذا مو اقتراح يفيد المنتدى يعني بس لعبة حلوة وما تزبط
إلا من الإدارة
شو رأيكم تساوو لعبة اسمها سوبر ستار المنتدى وأكيد واضحة من اسمها
يعني كل اسبوع المدير أو أحد المشرفين بينزل موضوع مثبت ويحط فيه مثلاً أربع اسماء من الأعضاء اللي موجودين بالمنتدى
ويصير عليهم تصويت لمدة اسبوع أو أكثر
واتنين منهم بيطلعو من اللعبة واتنين بيضلو أو أكثر حسب رغبتكم
وكل اسبوع بتنزلو أسماء جديدة ويصير عليها تصويت من جديد
وهيك لحتى يخلصو الأعضاء ويطلع واحد منهم السوبر ستار وبينعطى وسام أو أي شي يميزو انو هو السوبر ستار لهاي السنة
وكل سنة موسم جديد
والأفضل تكون هاي اللعبة للأعضاء النشيطين فقط بالمنتدى
لأنو اذا ساويتها لكل الأعضاء ما راح تخلص بثلاث سنين
وبتمنى انو تنال اعجابكم وتوافقو عليها
وسلامي للجميعين وللجميعات مشان ما يعتب حدا
