جميعاأنا اليوم جاي و في جعبتي اقتراح كتيييير حلو
هاد الاقتراح رح ينشط المنتدى كتيييير و رح يزيد عدد طلاب كليتنا يللي يفوتو ع المنتدى
الاقتراح ينص على ما يلي :
شو رأيكون تفتحو قسم خاص بأسئلة الدورات و المزاكرات و النقاشات
بحيث أنو الواحد لمّا يطلع من الفحص أو المزاكرة بيحط أسئلة فئتو فـَ بيستفادو منّو باقي الفئات
كمان منحط أسئلة الدورات المتوفرة ع الكمبيوتر هون ، و يللي مو متوفرة منخبّر الطلاب انها متوافرة في مكتبة كذا في مكان كذا
و أيضا الواحد بس يحل أسئلة الدورات في شي ما رح يعرف حلّو ، لهيك بيقدر يفتح المنتدى و يسأل ( بهالقسم ) عن أجوبة الأسئلة يللي ما عم يعرف حلها
فـَ بيجي شي واحد فهمان ( و هدولي كتار ) بيجاوبو
طبعا لازم ما ينسمح لحدا يقرأ مواضيع هالقسم ( إذا انفتح ) غير الأعضاء
لأنو بينخاف يفتح دكتور المادة المنتدى و يشوف شو في أسئلة هون مشان ما يجيب منها ( جكر يعني )
طبعا لازم تقررو سريعاً لأن الفحوصات العملي فتنا فيها ، و النظري قرّب كتير
أنا من جهتي جاهز لماعدة سنتي التاني كُلياتون
الله يوفق الكُل
