مرحباااااااااااااااااا يا احلى أعضاء
كيفكم
هلأ بدي ارجع اطرح مشكلة الألعاب
متل مو شايفين في كتار اعضاء بدون ذكر اسماء زاد تألقهم كتير هالفترة بالمنتدى ولكل الاقسام مشان مااظلمهم
بس عم يخربو هالشي بأنو يفوتو يردوا على كم موضوع وبعدين يفوتو على الالعاب ويا قاتل يا مقتول
وهالشي عمل كتير اضرار للمنتدى
1- خرب غاية اللعبة يعني مثلا بالنسبة إلي كنت فوت على تقديم الورود يا اهدي او شوف مين هاديني
اما هلأ ماعاد فتت لانو عم فوت لاقي صفحة او صفحتين ماسكينها عضوين او تلاتة وعاملينها دوارة
وهالشي برأيي قتل غاية اللعبة وصارت تزيد 4 او 5 صفحات باليوم و هالشي قلل فوتت العالم عليها لانو شو بدهم يتصفحو 5 صفحات كل ماغابو يوم
2- عملت خلل بموازين المشاركات يعني خلت اعضاء ترتفع بسلم ترتيب عدد المساهمات بشكل خرافي وبرأيي بدون حق
انا مو ضد حدا انو يصير احسن مني او اكتر مني بعدد المشاركات والدليل هلأ فرحان لانو سنفورة قربت تصير اكتر عضو بعدد المساهمات مشان ينقتل الروتين
لانو لهلأ ماحدا تصدر السلم بدالي من اول ما فتح المنتدى وكمان حلو يصير تغيير بالمراكز بس بدي هالشي يصير بأصول
لانو هالعضو ساهم بالاقسام يلي بتفيد المنتدى
هلأ اكيد الالعاب رح تعمل جو حلو بين الاعضاء بس مو بهالطريقة
3- العضو عم يشارك متل ماحكيت بكم موضوع وبعدين يضل فايت على قسم الالعاب ليمل
واخر شي منشوف اخر المساهمات بالمنتدى
منشوفها لعبة كذا ولعبة كذا ولعبة كذا
وهالشي رح يضرب سمعت المنتدى يعني متصفح فايت على منتدى طبي ومعلومات عامة مفيدة مو حلوة يلاقي اخر المساهمات هالألعاب
____________________________________________________________________________
هلأ شو رأيكم مشان نحل هالمشكلة
اخر مشكلة برأيي محلولة انو العضو يشارك قبل مايطلع بالمواضيع الطبية او المواضيع الجدية واذا بدو يشارك بالألعاب يشارك اول ما يفوت
ومشكلة الصفحات الكتيرة والتكرار بين عضوين او تلاتة بعتقد بتنحل برجاء من كل الاعضاء بدون تخصيص حاولو تحافظو على جمالية اللعبة يعني بكفي رد او ردين باللعبة باليوم وعنجد رح تشوفو الفرق ورح تحسو انو مشاركتكم بهاللعبة إلها قيمة
اخر مشكلة مشان عدد المشاركات
انا طلبت من اون لاين يلاقي حل بكود ما يخلي تزيد عدد المشاركات لم يشارك العضو بقسم الالعاب بس للاسف هالكود لهلأ مو متوفر
وهلأ عندي اقتراح طرحتو من قبل بس مالقيت تجاوب
بدي رأيكم فيه مرة تانية
انو بس تخلص عدد صفحات اللعبة نحذفها وهيك رح تطير مشاركات الاعضاء يلي شاركو فيها وهي طريقة تانية بدل الكود
بس مشكلتها انو مفاجأة يعني العضو يلي شارك كتير بالألعاب رح يلاقي فرق كبير بعدد مشاركاتو
فشو رأيكم
وبتمنى من الكل يعطيني رأيو ووجهة نظرو
وعفكرة تقييم احسن عضو بالمنتدى مارح يتاخد على عدد المشاركات يعني شغلة تقديرية يلي منشوف انو مشاركاتو كانت مميزة ومواضيعو هامة رح نحطو احسن عضو
وبالتوفيق للكل
كيفكم
هلأ بدي ارجع اطرح مشكلة الألعاب
متل مو شايفين في كتار اعضاء بدون ذكر اسماء زاد تألقهم كتير هالفترة بالمنتدى ولكل الاقسام مشان مااظلمهم
بس عم يخربو هالشي بأنو يفوتو يردوا على كم موضوع وبعدين يفوتو على الالعاب ويا قاتل يا مقتول
وهالشي عمل كتير اضرار للمنتدى
1- خرب غاية اللعبة يعني مثلا بالنسبة إلي كنت فوت على تقديم الورود يا اهدي او شوف مين هاديني
اما هلأ ماعاد فتت لانو عم فوت لاقي صفحة او صفحتين ماسكينها عضوين او تلاتة وعاملينها دوارة
وهالشي برأيي قتل غاية اللعبة وصارت تزيد 4 او 5 صفحات باليوم و هالشي قلل فوتت العالم عليها لانو شو بدهم يتصفحو 5 صفحات كل ماغابو يوم
2- عملت خلل بموازين المشاركات يعني خلت اعضاء ترتفع بسلم ترتيب عدد المساهمات بشكل خرافي وبرأيي بدون حق
انا مو ضد حدا انو يصير احسن مني او اكتر مني بعدد المشاركات والدليل هلأ فرحان لانو سنفورة قربت تصير اكتر عضو بعدد المساهمات مشان ينقتل الروتين
لانو لهلأ ماحدا تصدر السلم بدالي من اول ما فتح المنتدى وكمان حلو يصير تغيير بالمراكز بس بدي هالشي يصير بأصول
لانو هالعضو ساهم بالاقسام يلي بتفيد المنتدى
هلأ اكيد الالعاب رح تعمل جو حلو بين الاعضاء بس مو بهالطريقة
3- العضو عم يشارك متل ماحكيت بكم موضوع وبعدين يضل فايت على قسم الالعاب ليمل
واخر شي منشوف اخر المساهمات بالمنتدى
منشوفها لعبة كذا ولعبة كذا ولعبة كذا
وهالشي رح يضرب سمعت المنتدى يعني متصفح فايت على منتدى طبي ومعلومات عامة مفيدة مو حلوة يلاقي اخر المساهمات هالألعاب
____________________________________________________________________________
هلأ شو رأيكم مشان نحل هالمشكلة
اخر مشكلة برأيي محلولة انو العضو يشارك قبل مايطلع بالمواضيع الطبية او المواضيع الجدية واذا بدو يشارك بالألعاب يشارك اول ما يفوت
ومشكلة الصفحات الكتيرة والتكرار بين عضوين او تلاتة بعتقد بتنحل برجاء من كل الاعضاء بدون تخصيص حاولو تحافظو على جمالية اللعبة يعني بكفي رد او ردين باللعبة باليوم وعنجد رح تشوفو الفرق ورح تحسو انو مشاركتكم بهاللعبة إلها قيمة
اخر مشكلة مشان عدد المشاركات
انا طلبت من اون لاين يلاقي حل بكود ما يخلي تزيد عدد المشاركات لم يشارك العضو بقسم الالعاب بس للاسف هالكود لهلأ مو متوفر
وهلأ عندي اقتراح طرحتو من قبل بس مالقيت تجاوب
بدي رأيكم فيه مرة تانية
انو بس تخلص عدد صفحات اللعبة نحذفها وهيك رح تطير مشاركات الاعضاء يلي شاركو فيها وهي طريقة تانية بدل الكود
بس مشكلتها انو مفاجأة يعني العضو يلي شارك كتير بالألعاب رح يلاقي فرق كبير بعدد مشاركاتو
فشو رأيكم
وبتمنى من الكل يعطيني رأيو ووجهة نظرو
وعفكرة تقييم احسن عضو بالمنتدى مارح يتاخد على عدد المشاركات يعني شغلة تقديرية يلي منشوف انو مشاركاتو كانت مميزة ومواضيعو هامة رح نحطو احسن عضو
وبالتوفيق للكل
