مشان مكتبة الكلية

1- شو رأيكم انو يصير للمكتبة قسم بالمنتدى بعد ما رفض صاحبها هالشي من قبل ؟

إي و لأ

إي منشان ننزل أسماء المحاضرات و عناوينها و صفحاتها

بس لأ منشان الدورات و الملخصات يللي نحنا قادرين كـ كلية أنو ننزلها عند مكتبة معينة برا الكلية

بحيث منصير متل حلب :

مكتبة الكلية للنوطات و المحاضرات

و مكتبة تانية ( الكشاف عندون ) للدورات و الملخصات و فلتات الطلاب


و هاي المكتبة التانية اذا كانت بنص المدينة فمافي دكتور رح يقرب عليها أو يقدر يشوف شو نازل عندها دورات ،

و بهيك منكفل حالنا عالأصلي أنو الدكاترة يعرفو شو عنا دورات و نتبهدل ، و بنفس الوقت مكتبة كليتنا ما حدا بيقدر يضرو كونو ما عم ينزل لا دورات ولا ملخصات ، بس النوطات

و منشان شو بينزل بالمكتبتين منقدر ننزلو بقسم المكتبة ( بس طبعا تعمل فيه قسم فرعي للمكتبة التانية )


2- وبرأيكم بصير نفتح القسم بدون ما إعلاناتنا تصير تنزل على واجهة المكتبة سعرها بسعر المنتدى التاني ؟

لا ما هيك ميسي

يا إما بينزل اعلان المنتديين سوا ،

يا إما ما بينزل ولا إعلان

منشان نحنا ما بدنا نحمل منية حدا


3- شو رأيكم بفكرة انو أعضاء المنتدى يديرو هالقسم انو يسألو شو نزل جديد وينزلو احسن ماهم يستلموه ويطققونا من بين ماينزلو كل شي بينزل عندهم ؟

أكييييييد ، هالشي مفروغ منو

هلأ أنت ما شفت قسم المكتبة بهداك المنتدى ،

أسبوع بينزل فيه كمشة نوطات ، و أسبوعين بيضل واقف


4- مين بيتطوع من كل سنة يشوف كل يوم شو في شي جديد نازل عند مكتبة الكلية وينزلو بقسم المكتبة اذا فتحنا ؟

هلأ خود فكرة أحسن و أريح للطلاب

هون عالمنتدى من طلاب كل سنة منتفق بين بعضنا أنو كل واحد يمسك مادة

بحيث بينزل عالمنتدى كلشي نزل بمادتو محاضرات ، و كلشي موجود ملخصات و دورات عند المكتبة التاني

لأن ما بتوقع بسنتنا في واحد بيعرف كلشي نازل بكل المواد ( غير ماسا )