قسم الهيئة الإدارية

اعقد ان الزميل صبحي محق في طلبه لانه يمثل الهيئة واذا كانت ادارة المنتدى ترغب في نقاش اي من مواضيع الكلية فليكن ذلك ولكن صبحي ليس مضطرا للاجابة عن اي من هذه التساؤلات على هذا المنتدى او غيره لان من يريد ان يساله اي شي فالهيئة موجودة بالكلية للرد عن جميع الاستفسارات كما اتمنى من الجميع ان لا يغبن لاي احد فضله فصديقنا صبحي صنع الكثير من اجل الكلية وهو يضحي بوقته من اجل الكلية وحذاري من الاهانات

سلام

اعقد ان الزميل صبحي محق في طلبه لانه يمثل الهيئة واذا كانت ادارة المنتدى ترغب في نقاش اي من مواضيع الكلية فليكن ذلك ولكن صبحي ليس مضطرا للاجابة عن اي من هذه التساؤلات على هذا المنتدى او غيره لان من يريد ان يساله اي شي فالهيئة موجودة بالكلية للرد عن جميع الاستفسارات كما اتمنى من الجميع ان لا يغبن لاي احد فضله فصديقنا صبحي صنع الكثير من اجل الكلية وهو يضحي بوقته من اجل الكلية وحذاري من الاهانات

الهيئة موجودة بالكلية هاهاهاهاهاهاهاهااها
من ايمتى هالحكي ؟؟؟؟
دائما ً الهيئة مغلقة ولا أحد هنا

اذا اغلق قسم الهيئة على المنتدى فهذا يدل على عدم امتثال حرية الرأي التي هي شعار المنتدى
أي أن الشخص اذا حكى رأيو الصحيح لازم يراعي جوانب اخرى شو هالحكي ؟؟
اذا اغلق المنتدى قسم الهيئة فهذا عار لأنو كل شخص بيعرف حالو وبيقدر يرد بس لما يعرف حالو غلطان مابقدر يرد ...
ادارة المنتدى انتم اشخاص رائعون فلا تغيروا وجهة نظرنا بكم
اذا أراد صبحي ان يغلق القسم فاقتراحي ان يغير اسم القسم وليس ان يغلق
قال الهيئة موجودة هاهااهاهاهاهاهاه

ليش حذفتو الرد

الهيئة موجودة بالكلية هاهاهاهاهاهاهاهااها
من ايمتى هالحكي ؟؟؟؟
دائما ً الهيئة مغلقة ولا أحد هنا

صديقي بامكانك مناقشة الامر مع احد اعضاء الهيئة
واوكد لك ان الهيئة هم من الطلاب وليسو مفرغين للدوام بالهيئة وانهم مثلك يا عزيزي عندهم من المحاضرات والستاجات وجلسات العملي ما يثقل كاهلهم وعلى الرغم من ذلك فان الكلية لا تخلو من احد اعضاء الهيئة الا اذا كنت تعرف صبحي فقط من اعضاء الهيئة فهذه مسؤوليتك

اذا اغلق قسم الهيئة على المنتدى فهذا يدل على عدم امتثال حرية الرأي التي هي شعار المنتدى

مارس حريتك كما تشاء ومتى تشاء فنحن بلد الحريات ولكن ان كان من يمثل هذا القسم يطلب الغائه
فما الجدوى منه الا ان خولتك الهيئة بالرد على الاستفسارات التي سترد على هذا القسم فذاك شان يعنيهم وان تم ذلك فليوفقك الله

أي أن الشخص اذا حكى رأيو الصحيح لازم يراعي جوانب اخرى شو هالحكي ؟؟

صديقي حريتك تنتهي عندما تبدا حرية الاخرين

اذا اغلق المنتدى قسم الهيئة فهذا عار لأنو كل شخص بيعرف حالو وبيقدر يرد بس لما يعرف حالو غلطان مابقدر يرد ...

عزيزي ليس المنتدى (ادامه الله وسدد خطاك واياه وهداني واياك واياه سواء السبيل) من يود اغلاق هذا القسم بل الهيئة هي من تود ذلك

ادارة المنتدى انتم اشخاص رائعون فلا تغيروا وجهة نظرنا بكم

متفق معك في هذا كل الاتفاق وبالمناسبة ارسل اسمى ايات الحب والاحترام والشوق والتقدير والاعتزاز ببلودي مالك (متناسيا الفارق الطبقي الاجتماعي اللي لصالحي طبعا انو انا من دوما ومالك من حرستا)

اذا أراد صبحي ان يغلق القسم فاقتراحي ان يغير اسم القسم وليس ان يغلق

اقتراح ممكن ناقشه مع المختصين ولك اطيب الامنيات مني يعني good luck

قال الهيئة موجودة هاهااهاهاهاهاهاه

شو يعني (ها ها ها ها ها ) شي بضحك مثلا بامكانك الضحك ولكن بعيدا من هنا الا ان كان هذا الموضوع مكانا للاستهزاء ولا اظنه كذلك

صديقي لا يراودك الشك ان ردي عليك ولكن ردي على افكارك "فانا لا اعرفك وان كنت اتشرف بذلك" فكل من رايي ورايك يحتمل الخطا والصواب اللهم ابعدنا عن الزلل والخطأوالهمنا الصواب (قووول آميييين)
وبالنهاية اقول شكرا صبحي لجهودك

تقبل مروري
سلام

أنا رأيي من رأيك ميسي

القسم ما لازم يتسكر

و اذا رئيس الهيئة ما بدو يرد ، فهوي حر ، ما حدا بيقدر يجبرو عهالشي

بس في غيرو أعضاء بالهيئة مستعدين يجاوبو ع أسئلة الطلاب

أصلا في واحد من أعضاء الهيئة مسؤول عن هيك شغلات ( هيك لما وزعو المهام من السنة الماضي بعد الانتخابات )


بس أنو يتسكر القسم لأنو رئيس الهيئة ما عاد يقدر يرد عالطلاب ، فهاد مو حكي

أصلا هوي صرلو أكتر من شهر مو فايت عالمنتدى ، و من أول ما شارك ما رد على ولا سؤال بهالقسم ، لهيك مو حقو يطلب تسكير القسم

و آخر موضوعين نزلو بهالقسم هني اللي خلوه يطلب هالشي ، اي طيب ما يرد بالأول عأسئلة الطلاب !!!!!

لأ ، لازم يفوت باسم عضو مو معروف لحتى يقرأ كل الحكي ، و يعرف اذا ما عنو اجابات عالأسئلة حتى ما يرد


كمان ما المفروض نحنا كطلاب نعرف مين أعضاء هيئتنا اللي ما عادون بالهيئة ؟؟؟

الا لازم يفوت عضو مجهول يخبرنا بهالشي و يطلع بدون ما يقلنا مين هني ...



اي شو الشغلة سر يعني !!!


بعدين محاضرة المخدرات اللي صارت من كام يوم ما كان المفروض حدا من الهيئة يعلن عنها ؟؟؟!!!!

لهيك اذا الهيئة ما بدها تأعلن عن هالشي ، فنحنا مستعدين نأعلن ، و بقسم الهيئة


كمان اذا العميد بدو يشوف شكاوي و اعتراضات الطلاب ، فمافي أنسب من هالقسم حتى يفوت عليه و يقرأ


أنا من رأيك ميسي

و هالقسم ما لازم يتسكر ، خصوصي لأنو رئيس الهيئة طلب هالشي


أما زميلنا اكس مان ، فيبدو أنك مو من كليتنا أو مو مداوم فيها

الهيئة 7 أعضاء صحيح ، بس في منهون 2 سنة سادسة راحو و ما حدا بيعرف اذا نزل حدا مكانون أو لأ

و في 2 سنة خامسة ، و هدول ما بيفوتو عالكلية من أساسها ، و ما بيعرفون غير كام واحد من الطلاب الرابعة و الخامسة

و 3 سنة تالتة ، ال 3 ما بيحلو ولا بيربطو

بعدين حتى لو حاكيت أي حدا من الأعضاء ، هوي ذات نفسو رح يقلك حاكي صبحي ،

لأن عنا بالهيئة ما عم يعملو هاد الاجتماع الاسبوعي ، لهيك ما حدا بيقدر يطلب أي شي من صبحي بشكل رسمي


آخر نقطة ، هالهيئة هاي آخر سنة الها ( و بجوز أقل ) ، و انشالله اللي بعدها ما منتخبها غير تكون نضيفة و مع الطلاب و مستعدة يسمعو النقد و ياخدو برأي الطلاب ، لهيك حذف القسم و اعادة فتحو شغلة عبثية

بسم الله

أما زميلنا اكس مان ، فيبدو أنك مو من كليتنا أو مو مداوم فيها

الهيئة 7 أعضاء صحيح ، بس في منهون 2 سنة سادسة راحو و ما حدا بيعرف اذا نزل حدا مكانون أو لأ

و في 2 سنة خامسة ، و هدول ما بيفوتو عالكلية من أساسها ، و ما بيعرفون غير كام واحد من الطلاب الرابعة و الخامسة

و 3 سنة تالتة ، ال 3 ما بيحلو ولا بيربطو

زميلي العزيز يبدو ان الكثير من معلوماتك غير دقيقة الزميلان في السنة السادسة الذان خرجو من الهيئة (يامن خطاب و الزميل السيد عيسى) تم استبدالهم منذ بداية الفصل بقرار من فرع الاتحاد الوطني بالزميلين محمد المقبل ومحمد خطاب بعد ان قاموا بنقل ستاجاتهم الى حلب

سلام

ع راسي زميل اكس والله

هلأ أنا عضو متمم بالهيئة الادارية ( و رقمي 12 )

و الزميلين اللي نزلو مكان يامن و أبو الروض ترتيبون ( 10 و 11 ) ، و الشباب اتنيناتون مرتبين ، و للأسف اعتذرو

طبعا كان يفترض ينزل العضوين اللي ترتيبون ( 8 و 9 ) على حد علمي ، بس مو خلاف كونو الشباب كلون مرتبين


صحيح أنو معلوماتي غير دقيقة ، بس اذا انا عضو متمم بالهيئة الادارية و ما بعرف بهالشي

لا حدا خبرني ( و عأساس مو ضروري هالشي ) ، بس كمان ما حدا نزل إعلان أو بيان بهالشي ، و حاليا انحط قفل لباب الهيئة و أنا آخر من يعلم ( و مو هالهم )


بس كيف باقي طلاب كليتنا بدون يعرفو الشي اللي أنا ما عرفتو ؟؟؟؟؟!!!!!!

مو المفروض أنو كل الطلاب بالكلية يعرفو أعضاء الهيئة ال 7 كلون ؟؟؟

ف اذا أنا ما بعرف ، شو برأيك رح يكونو طلاب السنة الأولى و التانية و التالتة بيعرفو ؟؟؟


قسم الهيئة الادارية هوي اللي لازم يكون موجود لحتى يوضح هالشي ، و لحتى الطلاب يعرفو مين هني ممثلينون

و لهيك أنا بدي أنو يستمر هالقسم


أنا ضد التجريح و الاهانات لأي شخص بالهيئة ، لأنو بالآخر هوي زميل لإلنا و طالب متلو متلنا

بس عالقليلة نلاقي أجوبة لأسئلتنا كـ طلاب


و مع ألف سلام ، و أمانة لا تاخد ردي بشكل شخصي ها ، ترا لساتني ما بعرفك

أنا ما كان بدي رد ع هالموضوع بس بعد ما قريت هالردود والآراء من الأعضاء الأعزاء بدي أعطي رأيي وأحكي أذا تسمحولي

زميلي العزيز صبحي أن ما بذر من كلام على الهيئه الادارية هو نتيجة أفعالك ولن أقول أفعالكم لأنك جعلت الهيئة محتكرة عليك وحدك وأنت الكل بالكل وهي بالحقيقة 7 أعضاء وليس شخص واحد مثل ما قلت لي في آخر لقاء بيننا وأنت مهمتك التنسيق بين ال7 وليس الهيئة لك وحدك (وأتصور أنك تتذكره) حيث قمت باستخدام الهيئه لأغراض شخصية أنت أعرف مني بها وأن ما كتب عنك وعن غيرك هو بهدف الأصلاح لا التجريح يعني نقد ايجابي بس للأسف أنت كنت من سيئ الى أسوأ وكل يوم كنت تطغى وتتجبر على الطلاب أكثر مع العلم أنو نحنا لما انتخبناك وساعدناك فكرناك رح تكون معنا مو ضدنا والواحد لازم يحكي اللي اله واللي عليه أنت السنة الماضية كنت مقبول لعند الدورة الاستثنائية ومن يوميتها أنت من سيئ الى أسوء اعذرني ولا تزعل من حكيي بس هذا الواقع المؤلم

في النهاية أنا ضد تسكير قسم الهيئة أو حتى تغيير اسمه وأنا شخصيا رح تتغير نظرتي للمنتدى أذا تم ذلك لأن أنا مع كلام أبو أنس أنو هالشي رح يكون اهانة بحق أخونا صبحي لأن ما قدر يرد ع الطلاب فطلب يسكر القسم

تقبلو مروري

اوك شوفو يا جماعة صفت المشكلة مو بحذفو او انو نخلي لانو حذفو رح يعمل مشكلة انو وين لازم تنزل اخبار كليتنا وكيف ممكن نوصل الشكوى للهيئة وكمان بتصير القصة انو حدا اعترض ع قسم فنحنا فورا لغيناه
اما لو بقي فصفت المشكلة انو اذا رئيس الهيئة مو ناوي يفوت ويعلق ع اي شي رح يصير بهالقسم فمين لكن رح يرد ع الحكي يلي بينزل هونيك
الاعضاء؟
بس مو كلن بيعرفو الخبر وبدك عشرين سنة ضوئية لحتى تتاكد من اي خبر والشكاوى مين رح يرد او يعلق عليها
يعني بنصفي بدوخة جديدة
بس مع ذلك انا ضد حذف القسم اذا صبحي مافيه يرد خلي حدا تاني من الهيئة يتولى الموضوع ويتابع الاعضاء ولا يحكي انو الهيئة موجودة بالكلية لانو عجقة الدوام يمكن ما تخلي لحدا وقت يروح فيه ع الهيئة واعضاء الهيئة نفسن يمكن ما عندن وقت يجو لانو دوام ودراسة
لذا خلي القسم حتى لو وقف فترة
وبعدين يمكن بكرا بس تصير هيئة جديدة يكون بدها هيك قسم

رورو مين قلك أنو ( طلاب الهيئة ) اللي بدون ياه يتسكر ؟؟؟؟؟؟؟؟

أنا ما سمعت غير رئيس الهيئة طلب هالشي

يعني لسا في 6 أعضاء غيرو


بعدين مع مين تواصلتي من الهيئة من أول ما فتح القسم ( غير محمد المقبل ) ؟؟؟


و الهيئة الجديدة مو مطولة حتى تجي ، لهيك نسكر القسم و نرد نفتحو أمر عبثي ...

أونلاين

أنا معك