بعد ماخلصت دراسة بالدير وماضللي غير انو قدم الفحص والمقابلات فيها
حبيت حط وجهة نظر لسياسة المنتدى الجاية
وطبعا من حق كل الاعضاء يطلعو عليها وماتكون محصورة بس بقسم الاشراف
_________________________________________________________________________________________
أولا : الاشراف :
راعينا بالاشراف تلت شغلات ( عدد المشاركات والنشاط - الامكانيات العلمية ( من العشرة الاوائل ) - التنويع بين السنوات )
والقائمة يلي هلأ مطروحة
السنة الاولى لسا مافي حدا وخلدون تعهد انو يشوف طلاب السنة الاولى ويعرفهم عالمنتدى وفوائدو
___________________________________________________
السنة التانية للاسف هالسنة صدمتني كتير بأنو طلابها انصرفو اكتر شي على الفيس بوك واهملو منتدى كليتهم الاخصائي فيهم وبحياتهم الجامعية
حاليا سارة مشرفة ولو انو نشاطها بدعم قسم سنتها ضعيف ورح نستعين فيها بإشراف باقي اقسام المنتدى
ورح حاول انا وخلدون نجيب اوائل هالسنة عالمنتدى بلكي بحركو شوي طلاب سنتهم وفي كذا اسم منهم رامي بني عطا
_____________________________________________________
السنة التالتة : في اكتر من عضو نشيط وبيستاهل الاشراف
بس اخدنا تلاتة منهم
سنفورة وجود كمشرف عام ومهند لاشراف قسم السنة التالتة ولو انو عدد مشاركاتو لسا مو كتير بس امكانياتو العلمية مع مراعاة انضمامو الحديث للمنتدى بأهلو للاشراف
وطبعا بدي اعتذر من دودي بهالفترة لانو مشاركاتو كتيرة وبيستاهل الاشراف بس متل ماحكيت لازم يكون في تنوع من كل السنوات وتلاتة حاليا بكفو للاشراف من سنتكم
________________________________________________________
السنة الرابعة : وهي السنة المثالية بكل شي وهالتميز بأكدو انو في تنين من المدراء منها وهم خلدون واون لاين ( انشا الله بتترفع وبتصير رابعة )
واخدنا منهم كمان جنتل مان كمشرف على قسم السنة الرابعة واكيد ابو عبدو متميز بالمشاركات والقيمة العلمية
_______________________________________________________
السنة الخامسة : لهلأ هالسنة حكر على المنتدى القديم وطبعا رح نسعى هالفترة لضم اكبر عدد من طلابها
وهالشي ممكن كتير وخاصة انو عندنا كم طالب متميزين والهم ثقلهم بالسنة الخامسة متل ابو يزن وايكو وعبد الله واكس مان و محمد مقبل
وخلدون رح يحاول بمعرفتو انو يخلي اوائل هالسنة يفوتو بتجربة المنتديات عندنا
_______________________________
السنة السادسة
رح كون مسؤول عنها وحاول خلي طلاب سنتي قد مابقدر يدعموه ولو انو جلطوني وما كانو يفوتو
_________________________________________
هي بالنسبة للسنوات
وطبعا باقي الاقسام رح تتوزع على هالمشرفين حتى يصير في تنظيم بالشغل
هوا83وانا85 
