عجلة حلقات كرسي الاعتراف تدور مجددا مع PUSSY CAT

PUSSY CAT كتب: مشكور عبد الحميد مو؟

mhmmadsok كتب:شو ليش محدا عم يسأل ؟
طيب هي سؤال تاني مني
هل مفاجأة جلوسك على كرسي الاعتراف لها أثر في نفسك ؟ وماهو شعورك وانت على كرسي ؟

Dr.ghost كتب:يا أهلين ببوسي كات
بتمنالك إقامه حلوة على الكرسي

ورح بلش معك بالاسئله
1- شو هي أكبر كذبه كذبتيها بحياتك وعلى مين ؟؟!!
على بنت خالتي وقت مرض ابوها كتير فنقلوه علمشفى وخبرتها انو بس ضغطو انخفض وصرت روقها وهديها والمهم شغلة يومين اكتشفت وبلشت بهادل فيني
2-شو هو هدفك بالحياه ؟؟!!
اني كون شي يرفع راس اهلي فيني
3-شو معنى الحياه من جهة نظرك ؟؟!!
الحياة فيها شي حلو وشي مر هيي عذاب وفرح يعني برائيي هي اختبار لالله من عبدو
4-لو خيروكي بين طموحك وعيلتك شو بتختاري ؟؟!!
عيلتي بدون تفكير
5-شو اكتر شي ندمتي عليه بحياتك؟؟!!
اني تأثرت بشي صار وقت قدمت الرياضيات اول سنة فزفتت ونقصتني 16 علامة ولو ما خبصت فيها كنت فتت طب من اول سنة
6-تؤمني بمقوله لو وصلتي للمريخ مصيرك ع الطبيخ؟؟!!
هههههههههههه اى
7-شو هو الشي يلي بضلي بتحسي انه ناقصك؟؟!!
الجراة

8-هل بتآمني أنه الانسان بيقدر يصنع صديق على طلبه ؟؟!!
لا الصديق هوا انسان يفهمك ويكملك ما بيكون مطابق الك
9-لو في يوم حسيتي انه كل رفقاتك بعدو عنك بتزعلي وبتعاتبيهم بعدين؟؟!!
اى بزعل كتير لاني بعتبر رفقاتي عيلتي التانية
10-هاد آخر سؤال :
شو رأيك فيني بصراحه غير إني شب غير مبالي ؟؟!!
شب طيب ومحترم بس ياريت تشد حالك علدراسة شوي بدنا نضل بنفس الدفعة

مع تحياتي وأطيب تمنياتي بإقامه حلوة
بس لاتنسي دفع الآجار لصاحب الكرسي
هههههههههههه طيب

dr.Khaldoun كتب:

انشالله اذا ضليتي اسبوعين نظامي راجعلك

و أي حدا بيدايقك ما إلك غير قرايبك مديرنا الكبييييير "أونلاين" بيربي فيه باقي الأعضاء

the sun angel كتب:

اهلا وسهلا بوسي وجاييكي بالاسئلة

وازا استكترتيون اعتبرين من شخصين وفهمك كفاية

عبث طفله كتب:هلوز بوسي انت سلتي طريق الاعدام برجولك مابرحموك هيدون وحوش بأسئلتهم بس باين عليك قويه وهتجاوبي ع الاسئله ماشي ممكن ارد ليك بأساله انا كمان اقامه سعيده

dr.sanfoura كتب:

يا هلا والله ببسي



شجابchي لاهوون خيتااي

شووفي أنا راح أكون طيـوبة وراح أسئلك عشر أسئلة ..

بس خلصي الأسئلة اللي عليكي .. وبعدها أرجعلك ..

وأي حدا مو عاجبتـك أسئلتو خبريني وأنا أشوف شغلي



راجعـة

mhmmadsok كتب:1- هل حققتي ماتمنيتي من احلامك بمختلف تصوارتها ؟؟؟
لا حققت شي تقريبا 40%

2- كيف تنظري للحياة (بشكل عام)؟؟؟؟
هلسؤال تقريبا انسئلتو بس رح جاوب عليه الحياة فيها المر والحلو و وهيي حلوة اجمالا

3- كيف تعبر عن فرحك دائماً؟؟؟؟؟
بابتسامة

4- متى تشعري بأنك قريبة من نفسك؟؟؟؟؟
تجيني كل حالات التفكير بحياتي والصفن وكل هلسوالف وقت الدراسة والفحص

5- متى تشعري بالراحة والسعادة؟؟؟؟؟
وقت بشوف كل انسان بحبو سعيد ومبسوط

هي خمسة اسئلة بس تجاوبي عليهون الك خمسة تانيين بالتوفيق
وبتمنى تكون اسئلة لائقة !!!!!!!!
تسلم مشكور على هلاسئلة

mhmmadsok كتب:كويس جوابتي على اول خمسة وهي خمسة تانيين ....
6- ماهو الشي الذي امامكي ولكن صعب الوصول اليه؟؟؟؟؟
النجاح صعب الوصول لالو بدك تتعب كرمالو

7- ماذا اخذتي من النت وماذا اعطيته؟؟؟؟؟
اخدت معرفة- تسلاية- تعرفت عرفقات
انشالله كون فدت غيري عن طريقو

8- ماهي حكمتكي بالحياه(افضل حكمه من وجه نظرك)؟؟؟؟
لاتبكي امام انسان ينتظر رؤية دموعك

9- خبر سعيد سمعتي هذه السنه ؟ وخبر محزن ؟؟؟؟؟
سعيد:يمكن اكتر شي وقت ولدت بنت اختي هاي اللي حاطة صورتها
حزين:وقت بابا مرض

10- ماهو أكثر موقف مؤثر مررت به ؟؟
كنت طالعة مع رفقاتي مشوار بلسوق وبابا كان بلشام يشتغل وكنت بعرف رح يرجع اليوم نفسه فاتصلت اختي وخبرتني اني لازم اجي ضروري بس رفضت الاول الا خبرتني انو بابا انجلط ونقلوه من الشام للدير-وهوا مجلوط- خاف يصيرلو شي وهوا منو شايفناووقت شفت ابي مريض لاول مرة بحياتي لانو بابا اقوى شخصية بعرفها

انشا الله ما اكون كترت عليكي ...
لا عادي ولو

the sun freedom كتب:

يلا هي كم سؤال

ما هى نقطه ضعفك ومفتاح شخصيتك?
الولاد الصغار -اذا بتعاملني بصدق واحترام رح تكون صديق لالي ويمكن طول العمر لاني بحترم الصدق
ما رايك ب الثقة بالناس ممكن تثق ف احد بسهولة؟؟
انا بطبعي بوثق بسرعة بس اكتشفت انو مو كل الناس تستاهل وهلشي واضح من توقيعي
هل تضع خطوط حمراءبعلاقاتك مع الاخرين؟
بصراحة اى وخصوصي مع الشباب عشان ما ينفهم شي غلط ومع البنات اللي بحسهن ما بيتئمنو لسر
ما الصفه التي لا تعجبك فى نفسك
بعصب بسرعة وبروق بسرعة
اعتذار الرجل للمرأه ذل ام احترام للذات؟؟
احترام للذات لانو بيدل انو هوا انسان متفهم ومتحضرومنو متخلف بتفكيرو
رتب هذه الكلمات على حسب اهميتها عندك المال - الحب - الصديق - المستقبل المهني - العائلة !!!!
العائلة-الصديق- المستقبل المهني-المال -الحب
كتاب حياتك بم تصفه في كلمات معدوده ؟؟
ممم حياتي عادية مضيت نصها سفر وربعها دراسة وربعها التاني تلفزيون وشوي ستة الاربع
ملحوظه لاحظتها على عضو من الاعضاء ماهي ؟؟ ومن هو العضو ؟؟
مابعرف ليش حابة اتعرف عاستار مع اني ما بعرف عنها شي غير بنت محترمة وذكية ومشاركاتها حلوة بلمنتدى
سر لاول مره تقوله لنا؟؟
مممممم كنت سمينة كتير لحتى صف التاسع
املأ الفراغ بالعضو المناسب؟؟

له فقده؟
زوبعة صرلو فترة معم يدخل

ما احلاك وانت ساكت؟
ههههههه سنفورة

لاتطول الغيبه؟
رامي معم يفوت بنوب علمنتدى حسابو عندي

شو يلي متغير فيك؟
اون لاين

عاقل؟
مالك

شاعر ؟
عمرو

فرفوش ؟
كتار ممممممم غوست


لو أنفصل علي النت أو تسكرت الصفحه وآنا أكتب لك الأسئله وثم قلت لك صار معي كذا ايش رح تقول بقلبك ؟؟
ترا دوختلي خلقي
ههههههه لاعم امزح رح قول مسكين النت زفت عندو

هي دفعة اولى
اوك اخي بستناك اسئلتك

سلام

A.M.N91 كتب:عليه العافية والدك انشالله...مارح أرجعلك بأسئلتي لأن بعرف الأعضاء ما رح يقصرو ..بالتوفيق لإلك وانتبهي عالكرسي ترا غالي علينا كتير

Dr.MaLeK كتب:

هاي كات

كيف الكرسي معك
ماشي حالو مريح لهلئ

رح نزلك اول صف من أسئلتي
اوك بستنى الصف التاني

1- لو ماسجلتي باسم بوسي كات بالمنتدى بأي اسم كنتي رح تسجلي ؟
باسمي الحقيقي بدور

2- كيف تعرفتي عالمنتدى وشو اكتر شي عجبك فيه ؟
من سنفورة اول مافتت علمنتدى ما كنت بعرف حدا فما شاركت فيه كتير وتركتو لفترة
بعدين رجعت وشفت فيه شغلات حلوة ومعلومات مفيدة

3- شو القسم يلي بالمنتدى برأيك لازمو شغل اكتر ؟
ملاحظة الكل عم ينشغل بقسم التسلية ومنهن انا
بس الاقسام والمواضيع العلمية يلزمها شغل اكتر


4- شو الاقسام يلي برأيك لازم تكون موجودة بالمنتدى ومالها موجودة بمنتدانا ؟
عجبتني فكرة انحطت بقسم السنة الاولى تبع المكتب العقاري وكيف فينا نفيد الطلاب الجدد ليتعرفو عابعض وبيسكنو مع بعض

5- عطيني اسم 10 اعضاء بالمنتدى بيلفتو انتباهك بطريقة ردودهم واختيار مواضيعهم ؟
رح حط 5 شباب و5 بنات للعدل
البنات:
سنفورة
جود
ستار
ماسا
سارة
الشباب:
جنتل مان
مهند
العراب
غوست
زوبعة

6- شو اهم الاسباب يلي خلتك تشاركي بالمنتدى ؟
سببين سنفورة واون لاين

7- اديه بتعطي هالمنتدى نسبة من 10 ؟
8 من 10

8- شو احلى 3 اقسام عندك بالمنتدى ؟
التسلية -كشكول-التغذية

9- شو عندك اقتراحات لتطور المنتدى ببداية هالسنة الدراسية؟
اهم شي نجذب طلاب السنة الاولى وبنشهر هلمنتدى اكتر


10- كيف بتتوقعي يصير هالمنتدى لما تصيري سنة 6 ؟ وممكن يصير اكبر موقع طبي بدير الزور ؟؟؟
رح يتحسن ويتطور اكتر، اى هيك بتوقع انشالله

11- اي شي حابة تحكيه عن تجربتك بهالمنتدى لهلأ احكيه بما لا يتجاوز ال 100 سطر ؟
ممم منتدى حلو في كتير شغلات تعلمت منها ومعلومات لاول مرة بسمع فيها
الاعضاء طيبين وحبابين واحلى شي فيهن انو عندهن حس الفكاهة مو مامتل الكل متوقع عن طلاب كليتنا
بيحبو يساعدو الطلاب اللي اصغر منهن بلعمر وماشالله منهن مقصرين بشغلهن هون


بتمنى تكون أسئلتي سهلة
اى في منها دورات

وهي خلصنا من الصف الأول يلي بعنوان كات و المنتدى

dr.amr كتب:

مرحبا بنت دفعتي ومشرفة سنتنا
ياهلا وسهلا بابن دفعتي
حبيت مر واطمن عنك شلون هالكرسي معك
تمام عال العال
اكييد مرتاحة

يعني هيك شي
هي كم سؤال اتسلي بيها
1-اوصفي نفسك بكلمتين بس
بنت قد حالها
2-مو هو مثلك الاعلى؟
ماماوبابا بس الاكتر ماما
3-شو هي حكمتك بالحياة؟
سؤال دورة مكرر
4-شو الشي الي يزعجك؟
الانسان الجامد واللي دمو بارد
5-رايك بالصداقة بين الجنسين وهل هالصداقة اذا تطورت ممكن تنجح العلاقة بعدين؟
كتير حلوة الصداقة بين الجنسين بحدودا طبعا - اى برائيي احتمال كبير تنجح
6-رح اعطيكي كم صفة وتقوليلي مين هالاعضاء:
عضو نشيط
غوست
عضو واثق من نفسو
نور
عضو مثقف
مالك
عضو رزين
عمرو
عضو بدك تغيري اسمو
صن فريدوم مابحسو زابط
7-شو الشي الي ندمت عليه بدور؟
اني مرة كنت صديقة لانسانة تطعن بلظهر
8-كلمة قلتيها وتتمني لو انك ما قلتيها
هلئ هيي منها كلمة حكيت لانسانة نصيحة ولهلئ ندمانة ليش نصحتها لانو احيانا الحب اعمى
9-حمامة زاجلة حاملة معها رسالة لالك-منين تتمني تكون هالرسالة؟
من رفيقتي بحمص
10-موقف صدمك وما تنسي بحياتك
نتائج البكلوريا سنة اولى وقت طلع طلع مجموعي 218
11-شي او شخص غير مجرى حياتك
اختي سمر
بتمنى ما كون طولت عليكي بأسلتي
لا ولو خود راختك :