مسا الخير
كيفكن طلاب كليتنا الاشاوس
اكيد متل ما بتعرفوا انوا كليتنا تعاني الكثيير من المشاكل خصوصا بالسنة الرابعة والخامسة
لذلك توجهنا مباشرة من بداية السنة الى الدكتور جوزيف حتى نحطوا بصورة المشاكل الي عانينا منها
وما قصر الدكتور ضل اكتر من ساعة وهو عم يتناقش معنا وهلأ رح اكتب اهم النقاط الي طرحناها
اولا بخصوص الستاجات :
اكد الدكتور انوا هالتوزيع الجديد هو بمصلحة الطالب حيث انه انقص عدد الطلاب
وخلق نوع من التخصص بكل فترة من فترات الستاج
وقال انوا صحيح في بعض الاختصاصات تعاني من نقص بالكادر بس نحنا رح نحاول نأمن اطباء حتى لو من المشفى العسكري او من برا مشافي الصحة
وبخصوص بعض الاطباء وكفائتهن بالستاج قال انوا عما قريب رح يعملوا بالكلية استبيان عن اطباء الستاجات
كما انه رح يعمل زيارة على المشافي هاد الاسبوع او الجاي
ثانيا:بخصوص المنهاج
وهون المهم طلبنا من الدكتور انوا يتم تحديد المناهج بشكل واضح من بداية السنة
واكدنا له انوا هاي اكبر مشكلة عانينا منها بالسنة الرابعة
ووعدنا انوا رح يجتمع مع الدكاترة من بداية السنة
ويتفق معن على المنهاج واكد انوا ان شاء الله رح يحللنا هالمشكلة
(من كتر ما الحينا عليه لأنوا شفنا الويل بالرابعة تخيلوا منهاج الداخلية نزل قبل الامتحان بشي شهر بس)
تالتا : بخصوص الامتحان
طلبنا منه انوا تكون الاسئلة من المنهاج
لانوا بعض المواد عم يجيبولنا اسئلة مو من المنهاج ولامن الشي الي عطونا اياه
واكبر مثال النسائية جابولنا 80 سؤال من تشرين ومنهاجن غير منهاجنا
ووعدنا خير( مو متفائل انوا تنحل هالمشكلة لأنوا دكاترتنا وبعرفن)
رابعا: بخصوص مخبر المهارات
قلناله مخبر المهارات مكلف الكلية حوالي 50مليون
هل يعقل ما نشتغل غير على كم مجسم تبع الابر والولادة
مع العلم في مجسمات نحنا بأمس الحاجة نتدرب عليها خصوصا فغر الرغامى والبزل القطني
فقال انوا المشكلة هي بالمخبرين الي بيعرفوا يشتغلوا عليهالانها اجهزة حديثة
(سبحان الله الحديث ما منعرف نشتغل عليه والقديم ما بيشتغل معنا لانوا ببساطة بيكون خربان)
اما لبقة الاجهزة فقلنا انوا رح يبعتوا المجسمات والاجهزة البسيطة على المشافي وممكن الاطباء يدربونا عليها
خامسا: بخصوص الايفاد
وهاد الشي يمكن مهم ومبهم لبعض الطلاب
قلنا الدكتور انوا الايفاد بيكون فقط للطالب الاول من كل دفعة واذا رفض بتروح البعثة على الدفعة كلها
وهاد الشي قانون بكل الجامعات حتى لوكانت كليتنا محدثة
لأنوا النقص بالكادر عم يأمنوه من خلال مسابقات لطلاب الدراسات
حتى لو من غير جامعات
وهنن الي بتم ايفادهن لصالح الجامعة موطلاب الفرات ( هاد الغلط بعينه )
اما بالنسبة لوفد الصداقة الالماني وامكانية التبادل بين الجامعات فأكدلنا انوا ما في شي رسمي لحد الان
والي صار انوا الدكتور سالم الحميد ابدى استعداد لاستقبال طلاب من عنا لجامعة اخن الالمانية
لذلك الي بيحب يجرب امكانية قبوله يراسل الدكتور او الجامعة بشكل خاص
كيفكن طلاب كليتنا الاشاوس
اكيد متل ما بتعرفوا انوا كليتنا تعاني الكثيير من المشاكل خصوصا بالسنة الرابعة والخامسة
لذلك توجهنا مباشرة من بداية السنة الى الدكتور جوزيف حتى نحطوا بصورة المشاكل الي عانينا منها
وما قصر الدكتور ضل اكتر من ساعة وهو عم يتناقش معنا وهلأ رح اكتب اهم النقاط الي طرحناها
اولا بخصوص الستاجات :
اكد الدكتور انوا هالتوزيع الجديد هو بمصلحة الطالب حيث انه انقص عدد الطلاب
وخلق نوع من التخصص بكل فترة من فترات الستاج
وقال انوا صحيح في بعض الاختصاصات تعاني من نقص بالكادر بس نحنا رح نحاول نأمن اطباء حتى لو من المشفى العسكري او من برا مشافي الصحة
وبخصوص بعض الاطباء وكفائتهن بالستاج قال انوا عما قريب رح يعملوا بالكلية استبيان عن اطباء الستاجات
كما انه رح يعمل زيارة على المشافي هاد الاسبوع او الجاي
ثانيا:بخصوص المنهاج
وهون المهم طلبنا من الدكتور انوا يتم تحديد المناهج بشكل واضح من بداية السنة
واكدنا له انوا هاي اكبر مشكلة عانينا منها بالسنة الرابعة
ووعدنا انوا رح يجتمع مع الدكاترة من بداية السنة
ويتفق معن على المنهاج واكد انوا ان شاء الله رح يحللنا هالمشكلة
(من كتر ما الحينا عليه لأنوا شفنا الويل بالرابعة تخيلوا منهاج الداخلية نزل قبل الامتحان بشي شهر بس)
تالتا : بخصوص الامتحان
طلبنا منه انوا تكون الاسئلة من المنهاج
لانوا بعض المواد عم يجيبولنا اسئلة مو من المنهاج ولامن الشي الي عطونا اياه
واكبر مثال النسائية جابولنا 80 سؤال من تشرين ومنهاجن غير منهاجنا
ووعدنا خير( مو متفائل انوا تنحل هالمشكلة لأنوا دكاترتنا وبعرفن)
رابعا: بخصوص مخبر المهارات
قلناله مخبر المهارات مكلف الكلية حوالي 50مليون
هل يعقل ما نشتغل غير على كم مجسم تبع الابر والولادة
مع العلم في مجسمات نحنا بأمس الحاجة نتدرب عليها خصوصا فغر الرغامى والبزل القطني
فقال انوا المشكلة هي بالمخبرين الي بيعرفوا يشتغلوا عليهالانها اجهزة حديثة
(سبحان الله الحديث ما منعرف نشتغل عليه والقديم ما بيشتغل معنا لانوا ببساطة بيكون خربان)
اما لبقة الاجهزة فقلنا انوا رح يبعتوا المجسمات والاجهزة البسيطة على المشافي وممكن الاطباء يدربونا عليها
خامسا: بخصوص الايفاد
وهاد الشي يمكن مهم ومبهم لبعض الطلاب
قلنا الدكتور انوا الايفاد بيكون فقط للطالب الاول من كل دفعة واذا رفض بتروح البعثة على الدفعة كلها
وهاد الشي قانون بكل الجامعات حتى لوكانت كليتنا محدثة
لأنوا النقص بالكادر عم يأمنوه من خلال مسابقات لطلاب الدراسات
حتى لو من غير جامعات
وهنن الي بتم ايفادهن لصالح الجامعة موطلاب الفرات ( هاد الغلط بعينه )
اما بالنسبة لوفد الصداقة الالماني وامكانية التبادل بين الجامعات فأكدلنا انوا ما في شي رسمي لحد الان
والي صار انوا الدكتور سالم الحميد ابدى استعداد لاستقبال طلاب من عنا لجامعة اخن الالمانية
لذلك الي بيحب يجرب امكانية قبوله يراسل الدكتور او الجامعة بشكل خاص
