هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

+7
dr.sanfoura
RORO CRUISE
MASA
ba7pk.93
M.7.K
dr.Khaldoun
Dr.mohammad
11 مشترك

    مارأيك بمقتل القذافي ؟

    Dr.mohammad
    Dr.mohammad
    عضو جديد
    عضو جديد


    المزاج : مارأيك بمقتل القذافي ؟  8911
    عدد المشاركات : 33
    العمر : 34
    السنة : الخامسة

    مارأيك بمقتل القذافي ؟  Empty مارأيك بمقتل القذافي ؟

    مُساهمة من طرف Dr.mohammad السبت أكتوبر 22, 2011 9:15 pm

    [center][b] هو سؤال خطر في بالي لما نمر به هذه الايام فالأحداث تتسارع والتاريخ يكتب قبل ان ابدأ اريد ان أوضح شيئاً للجميع ونتفق على ان القذافي شخص قتل الكثير وعذب الكثير وأبكي الكثير من الأمهات ومن هذه النقطة ابدا برأيي بمقتله .عندما رأيت لقطات من آخر لحظات القذافي تبادر الى ذهني القول المأثور (لطالما رقصت على جثث الاسود كلاب ). لان كل ماحدث هو شيء بقمة البشاعة والعنفوان الغير مفسر لماذا؟ لانه عندما قامت الثورة الليبية قامت على اساس ان القذافي شخص مجرم وقاتل ولكن ماتظهره اللقطات هو العكس فعندما نريد ان نعاقب الشخص لا تعاقبه بالشي الذي كرهناه لاجله لا تعاقبه بمثل أفعاله لنبين للعالم والغرب خصوصاً ان مقتل القذافي لا يعني الخلاص من حقبة تاريخية إجرامية بل ان القادم اكثر دموية واجرام ماشدني لكتابة ذلك هو نفس اللحظات التي شاهدناها في الغرب عند مقتل بن لادن. ففي تلك اللحظة كانت القنوات تأخذ بعض اراء الشارع في امريكا فلفت نظري كلام شابة أمريكية قالت انه لشي جيد موته معللة بذلك انه قد يكون سبب ليخف العنف واكملت قائلة لكن لا أتمنى ان ارى أحدا مبسوط بموته لان هذه روح انسان مثلنا مثله لنا اخطاء في هذه الحياة الشاهد في حديثها هو فرق الحياة والتفكير والإنسانية بيننا وبينهم هو فرق أنا شخصياً مستعد ان امضي عمري كله لأصل لما وصل له تفكيرها وإنسانيتها كيف لنا ان نشاهد كل مايدور حولنا ونبقى كما نحن. في النهاية لم اكتب مايدور في خاطري الا لأنني وللأسف سمعت بعض آراء زملاء عندما ذكروا انه شخص بيستاهل وايضا ( قولهم كلب وفطس ) في الاخير يبدو ان كلام القذافي في احد خطاباته عندما وصفهم بالجرذان هو وصف صحيح لان الجرذان تنتظر حتى يصبح الشخص جثة هامدة ليتراقصوا حوله . أتمني ابداء آرائكم . لا أتمني من احد ان يحور كلامي لان كلامي واضح ولا تنسوا ماذكرته في البداية . 
    dr.Khaldoun
    dr.Khaldoun
    المدير العام
    المدير العام


    المزاج : مارأيك بمقتل القذافي ؟  2210
    عدد المشاركات : 5340
    العمر : 132
    السنة : صرنا رابعة ... و يا ريتنا ما صرنا

    مارأيك بمقتل القذافي ؟  Empty رد: مارأيك بمقتل القذافي ؟

    مُساهمة من طرف dr.Khaldoun السبت أكتوبر 22, 2011 11:35 pm

    يعطيك العافي دكتور ، و كلامك منطقي 100%

    أنا صراحة كتيييير انزعجت و انقهرت عالقذافي لمن عرفت أنو مات

    مو لأنو بعد اليوم رح تصير القمم العربية مملة و ما بتنحضر

    و مو لأنو راحت علينا محاكمة بتوقعي كانت رح تكون أجمل محاكمة بالتاريخ

    بس لأنو بيضل بني آدم ، و بشر متلنا متلو

    أنا لما ينعدم بشكل رسمي و علني و أمام جميع الناس ما في مشكلة

    بس هيك والله بيلقطوه عايش ، و فجأة بيقولو مات !!!!

    اذا هدول متل ما عم يدّعو أنو " فيون دين " ، ما لازم كانو يساوو هيك

    بس اللي صار صار

    شو بدنا نساوي ؟؟!!!

    M.7.K
    M.7.K
    عضو فضي
    عضو فضي


    المزاج : مارأيك بمقتل القذافي ؟  8010
    عدد المشاركات : 1273
    العمر : 32
    السنة : تريسة

    مارأيك بمقتل القذافي ؟  Empty رد: مارأيك بمقتل القذافي ؟

    مُساهمة من طرف M.7.K الأحد أكتوبر 23, 2011 12:40 am

    يا أخي القذافي لازم يموت ايا كانت الطريقة و لو أني بوافق خلدون بأنو ما كان لازم يكذبوا و يقولوا خلص قتلناه

    ما هالمشكلة العظيمة
    جرذ و خلصت منو الأمة

    و المنيح أنو ما صارت محاكمة لأنو ساعتها كانت شطت و مطت مدري كم سنة و على استئناف و نقض و مدري شو غير أنو ممكن تعلق حرب أهلية و عشيرتو تطالب فيه

    غير أنو الشخص اللي قتلو ما بتعرف اديش بقلبو حقد عليه و مين ميتلو بسببو

    فخلص يموت و نخلص من كل هالمشاكل و هلأ قابل ربو و ربو أدرى بحسابو و حساب من قتلو
    ba7pk.93
    ba7pk.93
    عضو برونزي
    عضو برونزي


    المزاج : مارأيك بمقتل القذافي ؟  5jool10
    عدد المشاركات : 857
    العمر : 34
    السنة : الرابعة

    مارأيك بمقتل القذافي ؟  Empty رد: مارأيك بمقتل القذافي ؟

    مُساهمة من طرف ba7pk.93 الأحد أكتوبر 23, 2011 1:06 am

    محمد كلامك رائع وانا متفق معك بماذكرته

    بس في نقطتين

    أول وحدة انو نهاية القذافي بهالصورة البشعة أكيد في من وراها حكمة ربانية انو الله هيك بدو وهاي نهاية وعبرة لكل طاغية لأن بيوم من الأيام ومتل ماكلنا عرفنا انو قتل وظلم ناس كتير وحرق قلوب امهات كتير


    بس النقطة التانية والأهم بيضل اسمو قائد عربي


    صدام قبل منو النيتو نفسو أو الأمريكان ضحوا فيه بعيد الأضحى وع مرآى العالم كلو وكانت اهانة واكبر اهانة للعرب

    ومقتل القذافي بعد عملية وغارة للناتو ع رتل القذافي فأنا بنظري هاي وصمة عار للعرب مرة تانية


    وعلما ومتل ما الكل بيعرف الدول الافريقية عرضت علي اللجوء السياسي ورفض

    وضل يقاتل حتى آخر قطرة من دموه لأنو يضل اسمو عربي


    MASA
    MASA
    عضو مميز
    عضو مميز


    المزاج : مارأيك بمقتل القذافي ؟  8110
    عدد المشاركات : 4420
    العمر : 33
    السنة : رابعة

    مارأيك بمقتل القذافي ؟  Empty رد: مارأيك بمقتل القذافي ؟

    مُساهمة من طرف MASA الأحد أكتوبر 23, 2011 1:31 am

    {وَلَا يَجْرِمَنَّكُمْ شَنَآنُ قَوْمٍ عَلَى أَلَّا تَعْدِلُوا} المائدة 8

    عدة نقاط حابة احكي فيها

    1- القذافي مجرم وسفاح ومسؤول عن كل قطرة دم ليبية سالت وعن كل الجرائم بحق الانسانية يلي صارت بليبيا

    2- شخصيا انا اكره القذافي ومية موتة ما تشفي قلبي منو

    3- الطريقة يلي مات فيها هي نقطة النقاش

    لما سمعت خبر مقتل القذافي فرحت وانبسطت بس لما شفت المشاهد تبع القبض عليه

    والتعنيف يلي لقاه من قبل الثوار والله تأثرت وشفقت عليه (رغم اني احقد عليه وامقتو)

    بس للحظة نسيت هو مين ونسيت اني حاقدة عليه وكل صفاتو السيئة وشفت شي واحد بس

    انسان ينزف ويستغيث وناس عم تضرب فيه وتعنفو

    بهالمشهد هاد مجرد من اي شي سوى انو الابطال فيه بشر

    ما تقدر الا تتأثر

    تمنيت لو الثوار ضربو للعالم كلو مثال بتسامحهم مثل ما نبي الرحمة علمنا

    التسامح ولو بأشد درجات الكراهية والحقد ومثل ما علمنا دينا بطريقة التعامل مع الاسرى

    مثل ما تعامل نبينا مع يهود خيبر يلي حطولو السم بالاكل ليقتلوه

    مثل ما تعامل مع اهل الطائف يلي ضربوه وعنفوه

    مثل ما تعامل مع كفار مكة يوم فتحها

    يلي اهانوه وحاصروه هو واهلو ورجع بموقع قوة

    وسامحهم

    انا ماأقول انو يسامحوه لانو نحن بشر والنا حدود وطاقات بس عالاقل

    ما كان لازم ينترك لحتى يتعنف بهالشكل اللاانساني .. اللا حضاري .. اللا اخلاقي

    هي نقطة خطأ لتبلش فيها ليبيا جديدة

    وانا معكم انو بكرا تصير محاكمات طويلة وع اخذ ورد ومدري شو

    بس كانت رح تكون لفتة رائعة بتاريخ ليبيا الجديد النظيف

    لانو هالتصرف خط اسود لوث بياض الثورة الليبية العظيمة

    وبهالفعل ما اختلفو الثوار بحيل عن القذافي لانو المبدأ واحد وهو الانسان
    RORO CRUISE
    RORO CRUISE
    عضو فضي
    عضو فضي


    المزاج : مارأيك بمقتل القذافي ؟  8110
    عدد المشاركات : 1396
    العمر : 34

    مارأيك بمقتل القذافي ؟  Empty رد: مارأيك بمقتل القذافي ؟

    مُساهمة من طرف RORO CRUISE الأحد أكتوبر 23, 2011 12:59 pm

    اول شي الله يرحمو


    رح نفتقدلو كتير




    بالنهاية هو يلي ساوا هيك بحالو


    مزبوط انو يلي صار مو انساني
    بس لو حطينا حالنا محل يلي انقتل ابنو او ابو او اخو


    يمكن رح نعمل نفس الشي


    المهم من الموضوع انو يصير درس لغيرو
    ويعرف كل ظالم انو ربنا يمهل ولا يهمل
    dr.sanfoura
    dr.sanfoura
    مشرفة عامّة
    مشرفة عامّة


    المزاج : مارأيك بمقتل القذافي ؟  Glg10
    عدد المشاركات : 9569
    العمر : 32
    السنة : ثالثة

    مارأيك بمقتل القذافي ؟  Empty رد: مارأيك بمقتل القذافي ؟

    مُساهمة من طرف dr.sanfoura الأحد أكتوبر 23, 2011 4:40 pm

    لاااا .. مو مسكيــن ..

    شقد ما كنتو إنسانيـة بصراحـة ما أقدر أقول عنو مسكيـن

    المجازر اللي عملها .. ما تخليني أقول عنو مسكيـن ..

    هوه مسكيـن واللي قتلهم ورملهم واغتصبهـم مو مساكيــن !!

    هوه مسكيــن والمجزرة تبع بو سليـم اللي عملها بالـ96 لما قتل الناس وهيه نايمـة مو مساكيــن ..

    هوه مسكيـن والمقابر الجماعيـة اللي اكتشفوها بطرابلس وماتو بيها نـاس ما إلهم ذنـب وأهاليهم اللي كانو يستنونهم وآخر شي يطلعو ميتين مو مساكيـن ..

    هوه مسكيـن وإيمان العبيدي مو مسكينــة ..

    أنا من جهتي لو حاكيـن على مبارك كان ممكن قلتو عنو أنو مسكيـن بس القذافي لااا مستحيــل ..

    هذا زلمة مجرم مو إنسانـي ..

    ما أقول عنو كلب وفطـس .. بس بنفس الوقـت ما أقول عنو الله يرحمـو ؟!

    مشكوور ع الموضوع ..

    وتقبلو مروري خجلان
    dr.sanfoura
    dr.sanfoura
    مشرفة عامّة
    مشرفة عامّة


    المزاج : مارأيك بمقتل القذافي ؟  Glg10
    عدد المشاركات : 9569
    العمر : 32
    السنة : ثالثة

    مارأيك بمقتل القذافي ؟  Empty رد: مارأيك بمقتل القذافي ؟

    مُساهمة من طرف dr.sanfoura الأحد أكتوبر 23, 2011 4:50 pm

    بي شغلـة نسيتو أقولهـا

    خجلان خجلان

    موتة القذافي مو الثـوار همّا اللي قتلو بقرارهم .. يمكن هما كانو بدهم يقتلونو بس

    القرار اجى بقتلو من أمريكا وفرنسـاووو ..

    طلعو محلل سياسي يقـول أنو بالثورتيـن المصرية والتونسية بعد نجاحها انحرق المقرين الأساسيين للأمن بالقاهرة وتونـس بعد بيوم من نجاح الثورة ..

    بينما دولة مثل ليبيا كل أسرارها عند واحد شخص .. يعني شخصنة مو بمؤسسة ..

    فهذا إذا يتحاكم بطالع كل البلاووي تبعهــم .. فقتلو بالنسبة إلهم أحسـن ..

    وتقبلو مروري مرة ثانيــة خجلان
    AL-SooRI
    AL-SooRI
    عضو نشيط
    عضو نشيط


    المزاج : مارأيك بمقتل القذافي ؟  W7eed11
    عدد المشاركات : 277
    العمر : 32

    مارأيك بمقتل القذافي ؟  Empty رد: مارأيك بمقتل القذافي ؟

    مُساهمة من طرف AL-SooRI الأحد أكتوبر 23, 2011 6:32 pm

    مممممم .... أخي الكريم ...
    إلي يعد العصي مو مثل إلي ياكلها ....
    شخص ضل كابت هالشعب أكثر من 40 سنة .... وما اندفس إلا صارت الدماية للركب ...
    طيب ... ما دام تقول هذا بني آدم ... وين إنسانيتو لما كانت الإعدامات العشوائية كل يوم
    بليبيا ....
    وين إنسانية مثل هالناس لما الكبير والصغير ... الطفل والعجوز ينداسون بالفروع الأمنية
    يا ترى هو " القذافي " وغيرو يقولون إنو هذول بشر ؟؟؟
    يعني رجاءً ومع احترامي لرأيك ورأي الشابة الأمريكية بس يا ترى لو قدامك شخص قتل أبوك
    واعتقل أخوتك وسرق مالك وعيشك تحت التراب يا ترى راح تعمل غير هالشي ؟؟؟
    يا سيدي ... أنا كنت أتمنى إنو يتحاكم محاكمة عادلة .... ويعاقب على كل شغلة عملها ...
    بس ما كان بإيدي ولا بإيدك القرار ...
    يعني ما تعرف إلي قتلو شكون كانت مشاعرو بهذيك اللحظة ...
    أنا عن نفسي فرحت .... جد فرحت ,,,, مو حباً بالقتل ,, فرحت لحرية شعب وانتصارو واسقاط طاغية
    استغل كل خيرات البلد مشانو ومشان عيلتو ....
    وتا يفهمون غيرو من إلي فكرو حالهم هم الوطن إنهم مجرد أشخاص وفترات
    تمر وتنتهي على تاريخ البلد .... والبقاء للشعوب وبس ....
    AL3aRraB
    AL3aRraB
    مشرف غرفة الدردشة
    مشرف غرفة الدردشة


    المزاج : مارأيك بمقتل القذافي ؟  5910
    عدد المشاركات : 1652
    العمر : 32
    السنة : الثانية

    مارأيك بمقتل القذافي ؟  Empty رد: مارأيك بمقتل القذافي ؟

    مُساهمة من طرف AL3aRraB الأحد أكتوبر 23, 2011 6:39 pm

    م أحب أزيد على كلام سنفووورة

    بس بي اختلاف بسيط اني أنا أقول

    جحش و فطس
    M.7.K
    M.7.K
    عضو فضي
    عضو فضي


    المزاج : مارأيك بمقتل القذافي ؟  8010
    عدد المشاركات : 1273
    العمر : 32
    السنة : تريسة

    مارأيك بمقتل القذافي ؟  Empty رد: مارأيك بمقتل القذافي ؟

    مُساهمة من طرف M.7.K الأحد أكتوبر 23, 2011 8:32 pm

    AL-SooRI كتب:

    والبقاء للشعوب وبس ....

    الله حيو زلم المطار القديم و هاد الكلام الحلو و اللي بينسمع

    أحسنت أسامة بحبك
    Dr.mohammad
    Dr.mohammad
    عضو جديد
    عضو جديد


    المزاج : مارأيك بمقتل القذافي ؟  8911
    عدد المشاركات : 33
    العمر : 34
    السنة : الخامسة

    مارأيك بمقتل القذافي ؟  Empty رد: مارأيك بمقتل القذافي ؟

    مُساهمة من طرف Dr.mohammad الأحد أكتوبر 23, 2011 10:49 pm

    شكرًا للردود. اول نقطة بدي رد فيها ع سنفورة أنا ماقلت عنو مسكين الشي الثاني انت قلت القرار أجا من امريكا وفرنسا .لك ياعالم هاد الشي اللي راح يقهرني انو مشينا العالم عكيفو انت يازميلة عم بدين كلامك يعني لما تقولي القرار أجا من أوباما او ساركوزي فالمصيبة أعظم .لك والله ساركوزي شعبو مابسمعلو حتى نجي نحنا نرد عليه او أوباما نفس الشي لك مو هاد العيب ياعرب يا اتباع محمد صلى الله عليه وسلم خذوا العبرة منه. خدوا بالعبر اللي حكتها ماسا عن نبينا وحاولوا تستوعبوها .ةكمان للأسف اذا كان القذافي جحش وفطس لا يعني ان يكون الشعب جحش أيضاً ويعملوا مثل ماعمل الجحش ويبقى الاختلاف انهم لم يفطسوا والله مابنسى حدا بالنهاية رحم الله شهداء ليبيا ورحم القذافي وأبناؤه أيضاً
    x-man
    x-man
    عضو نشيط
    عضو نشيط


    المزاج : مارأيك بمقتل القذافي ؟  6810
    عدد المشاركات : 70
    العمر : 35
    السنة : الخامسة

    مارأيك بمقتل القذافي ؟  Empty رد: مارأيك بمقتل القذافي ؟

    مُساهمة من طرف x-man الأحد أكتوبر 23, 2011 11:14 pm

    السلام عليكم:
    اولا: القذافي شخص سيئ ومسيئ دمر ليبيا و هدم اقتصادها و نهب اموالها وكان من المفروض ان يطاح به من زمن بعيد ولكن من عدم الانصاف ان نلقي عليه كل هذا الحمل الثقيل. الا يتحمل الشعب الليبي جزء كبير من المسؤولية مثله مثل كل الشعوب العربية التي تعاني الاستبداد والظلم اليس نحن من جرأنا الحكام علينا أليس نحن من جعلنا من قادة العرب اربابا في الارض ( يعني استغفر الله شوي تانية بدنا نعملو سبع صلوات باليوم ) اليس نحن من جعلناهم يمتطون ظهورنا ويسوموننا سوء العذاب يعني ركبناهم على ظهرنا و نزلو رجليهم يعني سؤال لو لم تحصل ثورة تونس الم يكن الشعب الليبي الى الان يرتل الكتاب الاخضر اناء الليل واطراف النهار فالغلط موجود عند القذافي ولكن موجود بانفسنا اكتر واحد صاححلو يركب شعب كامل وهو عم يصفقلو بقول لا؟؟


    تانيا: بالنسبة لمقتل القذافي فهذه وصمة عار على جبين العرب والمسلمين لان بالنهاية مو الليبين اللي قتلوا بل امريكا و بريطانيا و فرنسا والغرب كلو بشكل عام

    تالتا: يجب علينا قراءة التاريخ البعيد منه والقريب انا بتمنى من الكل يقرأ عن ما يسمى (الثورة العربية الكبرى ) هذه (الثورة ) التي دمرتنا ودمرت العرب ل 500 سنة لقدام بحجة التحرر من الظلم والامية و قدرو يضحكو ع اجدادنا المهبيل ونحنا اللي عم ندفع التمن كنا دولة وحدة وتحررنا من العثمانيين ولكن الثمن هو تفككنا عن ما يزيد على عشرين دولة من زبالة الدول . ارجوا انو ما حدا يفهم من كلامي انو قصدي هالثورات (مؤامرة) لا ابدا هالثورات شريفة ولكن الدول الغربية والامريكية جعلت من نفسها عراب الديمقراطية والثورات بالمنطقة وللأسف قدرت تستغل هالثورات وتسيرها لمصالحها يعني رح يركبونا متل ما ركبنا قادة العرب الاشاوس من قبل . يعني انا بستغرب من ناس مفكرة امريكا بتحبنا كتير و دفعت مليارات كرمال يصير في انتخابات حرة بليبيا وبستغرب كمان من شخص بقلك انو الليبين قادرين على حماية نفطهم من امريكا و حلفائها يعني ما تواخزوني قمة الغباء والاستهبال

    رابعا: انا بعتذر لاني بعدت عن الموضوع بس والله من حرقة القلب واللي عم يهاجمو القذافي ويقولو (كلب وفطس او جحش و فطس ) بتمنى انو يفتحو اليوتيوب ويبحثوا عن مقطع القمة العربية في القاهرة 1990 وهو تسجيل مسرب للي صار بالقمة.

    خامسا: بدي اذكر قصة صارت مع موشيه ديان وزير الدفاع الاسرائيلي بفترة السبعينات فكان عم يكتب كتاب عن استراتيجيات اسرائيل الدفاعية فقلوا صحفي امريكي انت كيف بتكتب هيك كلام خطير بكتاب اما تخاف ان يقرأه العرب؟ فقلوا ؟لا لا اخاف لان العرب قوم لا يقرؤون فيا ريت انو ارائنا ما نستوردها من ناس ما منعرفهن ومن جهات ما منعرف قرعة ابوها من وين ( وقصدي واضح.... اي بقصد الجزيرة)


    سادسا: عذرا عالاطالة

    سلاااام
    dr.Khaldoun
    dr.Khaldoun
    المدير العام
    المدير العام


    المزاج : مارأيك بمقتل القذافي ؟  2210
    عدد المشاركات : 5340
    العمر : 132
    السنة : صرنا رابعة ... و يا ريتنا ما صرنا

    مارأيك بمقتل القذافي ؟  Empty رد: مارأيك بمقتل القذافي ؟

    مُساهمة من طرف dr.Khaldoun الإثنين أكتوبر 24, 2011 12:00 am

    اكس مان كلامك منطقي

    و أنا معك أنو الوحيد اللي كان يحكي الدغري بالجامعة العربية

    و أكيد أمريكا ما رح تدفعلنا سنت واحد كرمال عيوننا ، هاي شغلة مفروغ منها


    بس عالجزيرة أبدا ما بوافقك

    الجزيرة هيي اللي عم تعبر عن رأينا ، مو نحنا اللي عم نعبر عن رأيها

    و قبل ما نظلم القناة كان سمحنا لمراسلينها يفوتو و يصورو بنفسون كلشي عم يصير ، علّ و عسى يقدرو بتقنياتون المتطورة أنو يرصدولنا شي عصابة مسلحة عم تأطلق النار عالمتظاهرين ...

    و اللي مو عم يعمل شي ما بيخاف من المراقبة ، صح ؟؟؟
    M.7.K
    M.7.K
    عضو فضي
    عضو فضي


    المزاج : مارأيك بمقتل القذافي ؟  8010
    عدد المشاركات : 1273
    العمر : 32
    السنة : تريسة

    مارأيك بمقتل القذافي ؟  Empty رد: مارأيك بمقتل القذافي ؟

    مُساهمة من طرف M.7.K الإثنين أكتوبر 24, 2011 12:57 am

    بس في شغلة ماني فهمانها يعني انقتل آلاف الليبين ما سمعنا حدا طلع و قال ليش انقتلو بس بمجرد ما انقتل القذافي اللي ما بيسوى حيشاكون صرماي بين الرجال صار الكل يدافع عن حقوق الانسان و الاسير

    ازا بدنا نطبق الشرع نطبقو عالكل مو لأنو حاكم منفضح الدنيا بوفاتو و ازا مات نص الشعب يلعن ابون عمرينون

    القذافي لو تحاكم كان لازم ينعدم عشر مرات و قليل عليه كمان


    و اللي مو عم يعمل شي ما بيخاف من المراقبة ، صح ؟؟؟


    كم انت كبيييير يا خلدون برافو
    MASA
    MASA
    عضو مميز
    عضو مميز


    المزاج : مارأيك بمقتل القذافي ؟  8110
    عدد المشاركات : 4420
    العمر : 33
    السنة : رابعة

    مارأيك بمقتل القذافي ؟  Empty رد: مارأيك بمقتل القذافي ؟

    مُساهمة من طرف MASA الإثنين أكتوبر 24, 2011 8:30 am

    اكس مان بتفق مع كثير قلتو بس بختلف معك وبشدة مشان قناة الجزيرة

    ومارح زيد ع الي حكاه خلدون لانو كفى ووفى
    x-man
    x-man
    عضو نشيط
    عضو نشيط


    المزاج : مارأيك بمقتل القذافي ؟  6810
    عدد المشاركات : 70
    العمر : 35
    السنة : الخامسة

    مارأيك بمقتل القذافي ؟  Empty رد: مارأيك بمقتل القذافي ؟

    مُساهمة من طرف x-man الإثنين أكتوبر 24, 2011 11:23 pm

    السلام عليكم :


    الجزيرة هيي اللي عم تعبر عن رأينا ، مو نحنا اللي عم نعبر عن رأيها

    بداية انا اسف عن الخروج عن الموضوع ولكن اقتضى التنويه:

    اخي خلدون بالنسبة لقناة الجزيرة فهي ليست مجرد قناة اخبارية تقوم بنقل الخبر ولكنها قناة تقوم بالدور الاكبر بتوجيه الرأي العام العربي و كأنها هي القائدة لتطلعات الشعوب العربية بالحرية و الازدهار وسأذكر بعض الامثلة.

    اولا: كلنا سمع ب وكيليكس و ما ادراك ما ويكيليكس هذا الموقع الذي فضح زعماء و رؤساء و قيادات من مختلف انحاء العالم وكلنا شاهدنا برامج الجزيرة في تلك الفترة و هي تشرح و تمحص و تفند هذه الوثائق فبالطبع هي قناة الرأي و الرأي الاخر ولكن قناة الرأي والرأي الاخر لم تنبس ببنت شفه عن 460 وثيقة مرسلة من الملحق العسكري والامني في السفارة الامريكية الى مكتب الامن القومي الامريكي وتتححدث عن التعاون القائم بين الجزيرة والولايات المتحدة من اجل تلميع صورة امريكا بالعالم العربي باعتبارها الموجه الرئيسي للرأي العام العربي

    ثانيا: تتحفنا الجزيرة كل يوم ببرامج تتحدث عن الثورات وبرامج تدخل بالعمق و برامج تناقش ما وراء الخبر وتأتي بالاتجاهين المتعاكسين وتذهب معهما في افكارهما بلا حدود ولديها مركز استراتيجي وشبكة قنوات لا حصر لها ولكنها يا عزيزي لا تريك الا ما تريدك ان تراه .

    وهنا اريد ان اسألك عن نشأة المجلس الوطني الانتقالي الليبي الفجائية والذي لم نسمع عن نشوؤه الا بخبر عاجل فأين كانت الجزيرة هنا.
    هل شرحت لنا ولو شرح موجز كيف نشأ هذا المجلس؟؟

    اسألكم جميعا :اثناء تغطية الجزيرة لمقتل القذافي كان مراسلها على الهواء يقول ( نعم هذه فرحة الشعب الليبي الذي انتصر بالله اكبر و فقط) اسألك بالله عليك ما رأيك بهذا الكلام هل انتصر الليبيون بالله اكبر فقط انا اعتقد غير ذلك فقد انتصرو بالنيتو والضربات الجوية مع الله اكبر

    واقول ايضا: كل يوم تأتي الجزيرة و تأتي بمن يدعم المجلس الوطني السوري يعني عم تقول للشعب أيدوا المجلس ولكن الجزيرة هل تحثت ولو مرة واحدة عن اعضاء المجلس الوطني الذي اكثر من نصف اعضائه لا نعرفهم بحجة الدواع الامنية ( اي شو هالثوار الجبناء الخايفيين هدلول) ...............( هلأ بعرف رح تمسكو هالنقطة هي بالذات و تعلقو عليها)

    والامثلة تطووووول ولكن ليس موضوعنا قناة الجزيرة فالموضوع اكبر من انو مراسلين يغطو من قلب الحدث... هذا موضوع بث افكار و مفاهيم برأس هالشعب اللي الله يعينو


    و اللي مو عم يعمل شي ما بيخاف من المراقبة ، صح ؟؟؟

    من قال غير ذلك انا معك بهذا ولكن ايضا ارجو ان لا نتصور وكالات الانباء هي فقط الجزيرة لانو باقي القنوات شغالة و عين الله حولها متل ( ال bbc cnn france24 ورويترز واسوشيتد برس و روسيا برس ووالسكاي نيوز فاذا كان الشعب ما بتابع غير الجزيرة هي مشكلتو مع العلم انو انا معكن انو لازم الجزيرة و غيرها تكون موجودة عالارض)

    هي بالنسبة لخلدون و ماسا الجواب واحد ولكن لي عتب كبير على خلدون و توقيعه لان بتصور من المعيب جدا انا تقول انو لو كنت حلبي كنت انتحرت انت هيك عم تهين 5,5 مليون انسان يا اخي انتو بدكن الحرية لانفسكن وتمنعوها عن الناس يعني غريب كتير الجماعة مؤيدين يا اخي خليهن يأيدوا وين المشكلة

    ولو كان توقيعك ( حمصي و حلبي ... انا سوري ولو ما كنت سوري كنت انتحرت ) كان بكون احلى.


    هلأ في بعض الردود ما رح علق عليها بس بدي رد على عبد الله:

    يا شباب انا اول ما فتحت وشفت الرد تبع هادا سيد الكلمات سيد البطيخ ما بعرف شو انو ضحكت عادي وانا نازل فشفتت اسم عبد الله انشرح صدري وقلت:
    عبد الله سيأتي بالحكم ما ظهر منها و ما بطن , عبد الله سيأتي بقول سديد يفحم به القريب قبل البعيد, عبد الله من حكماء هذا الزمان وان قلوا فهو لا يقول الا النفيس من الكلام والبعيد كل البعد عن الاوهام فقوله قول حريف وابعد ما يكون عن التخريف, وفجأة وبدون سابق انذار ٌقرأت ما قال.
    اخونا عبد الله صمت دهرا و نطق كفرا ما هكذا تورد الابل يا عبد الله ما هكذا عرفناك يا عبد الله ليش هيك يا عبد الله سودتلنا وجهنا يا عبد الله فقولك بعيد كل البعد عن الانصاف وبه ما به من الاجحاف وقد اقتبسته من شخص ابسط ما يقال بحقه ابشع الاوصاف يعني صدمتني يا عبد الله وأرجو منك تصحيح موقفك لك لحنا ما عتبنا على هدلاك سيد الكلمات لانو ما منعرفو مين بس انت عتبنا عليك لقد ظلمتنا واي فتيان العرب ظلمت وقعت وما حدا سمى عليك

    ولا تواخزونا

    سلام

    dr.Khaldoun
    dr.Khaldoun
    المدير العام
    المدير العام


    المزاج : مارأيك بمقتل القذافي ؟  2210
    عدد المشاركات : 5340
    العمر : 132
    السنة : صرنا رابعة ... و يا ريتنا ما صرنا

    مارأيك بمقتل القذافي ؟  Empty رد: مارأيك بمقتل القذافي ؟

    مُساهمة من طرف dr.Khaldoun الإثنين أكتوبر 24, 2011 11:59 pm

    هلأ منشان توقيعي اكس مان بعرف أنو فيو مبالغة زيادة ، بس حبيتو أنا


    مو اعتراضي على أهل حلب أنون ما طلعو مظاهرات ، هني أحرار بهالشغلة و ما حدا الو معون شي

    بس اعتراضي أنو عم يشوفو إخوانون السوريين عم ينقتلو ، واخوانون بالجيش و الأمن كمان ، و مع هيك عايشين ولا كأنو صاير شي

    لا و فوق هيك بيطلعو بيحتفلو و بيغنو و بيرقصو ... يعني مافي أقل حد من المشاركة

    و مع هيك بعرف انو الصورة تخينة شوي ، بس عجبتني ...


    هلأ منشان الجزيرة ، أنا أبدا ما قلت أنو مافيها اخطاء ، و أنا ذكرت اسمها لأنو انتي اللي حكيت عنها بردك الاول

    و صراحة ما بيهمني أنو الجزيرة بالذات تدخل و تغطي الأحداث

    بس أنا بيهمني فكرة وحدة ، أنو يخلو مراسلين قنوات عالمية و عربية موثوقة من جميع الأطراف يدخلو و يتحركو براحتون ، و يصورو شو بيشوفو

    مو بيدخل مراسل الCNN و بيضل معو مرافقة بياخدوه بس للأماكن اللي بدون ياها و بيضلو مراقبينو دايما

    خليون يتحركو براحتون ، و يصورو الواقع من كل جهاتو

    و هنا أنوّه الى قناة العالم و المنار و هدول الطرقة ، أنو مو هني أبدا المقصودات بال"قنوات الموثوقة"


    و بدكون تروقو شوي شباب

    لأن مو محرزة نعمل مشكلة منشان القذافي بعد ما مات

    كل واحد يعبّر عن رأيو اللي هوي مقتنع فيه ، بغض النظر عن شو ما كان



    Dr.MaLeK
    Dr.MaLeK
    المدير العام
    المدير العام


    المزاج : مارأيك بمقتل القذافي ؟  1210
    عدد المشاركات : 9702
    العمر : 35
    السنة : خامسة
    المزاج : مبسوط بطلتكم الحلوة

    مارأيك بمقتل القذافي ؟  Empty رد: مارأيك بمقتل القذافي ؟

    مُساهمة من طرف Dr.MaLeK الثلاثاء أكتوبر 25, 2011 2:09 am

    مرحبا اخي محمد بتشكرك عالموضوع


    مشان موتت القذافي

    1- كنت بتمنى انو يكون عند يلي قتلوه شوية حلم مدام مسكوه حي

    بس يلي صار صار


    2- القذافي بيتحمل كل قطرة دم سفكت لانو ما رضي بتنحى وكبر راس

    بغض النظر مين هو وشو عمل شاف كل هالشي رح يصير بشعب ليبيا ومع هيك استمر بتكبرو واهان الناس يلي عم تطالب بحقها

    ___________________________

    اخر شي اكتر من انو الله يهدي شعب ليبيا وينصرهم ليستغلو هالثورة متل مابدهم وبالشكل يلي بيرضي الله

    مو يلي بيرضي الامريكان والغرب


    ________________________________________________________________________________________________

    برأيي انو الجزيرة وسيلة اخبارية ممكن تكون مسيسة

    بس يلي عقلو براسو بيعرف خلاصو

    اوضاعنا مو منيحة اكلين هوا على كل المستويات في عدم تساوي واضح وظلم للقسم الاكبر من الشعب

    حقها العالم تطالب بحقها وحقها ما تنقتل وقت تطالب بحقها

    ولي الامر هو المسؤول وهو يلي بيتحمل تبعات تطور الموقف


    لما ما لاقي اي بوادر تحسن بالوضع طبيعي افقد الامل نهائيا بوجود تسوية


    __________________________________________________________________________


    حلبية وحمصية ومدري شو عيب نحكي فيها ولو انو في عالم بتحز بنفسها انو ليش كل العبئ علينا وغيرنا ساكت


    يلي بدو يحكي بدو يكون استجاب لامر الله بانو قول الحق واجب بكل زمان ومكان


    ومالنا علاقة بفلان وعلان


    بنصح الكل يبعدو عن اسباب التفرقة لانو يلي بيعمل تفرقة هلأ رح يعمل تفرقة بعدين



    الله يحمي الشعوب الاسلامية بكل مكان وزمان ويهيئلها اصحاب الحق والقائمين بالعدل


    اللهم اصلح ديننا ودنيانا
    Dr.MaLeK
    Dr.MaLeK
    المدير العام
    المدير العام


    المزاج : مارأيك بمقتل القذافي ؟  1210
    عدد المشاركات : 9702
    العمر : 35
    السنة : خامسة
    المزاج : مبسوط بطلتكم الحلوة

    مارأيك بمقتل القذافي ؟  Empty رد: مارأيك بمقتل القذافي ؟

    مُساهمة من طرف Dr.MaLeK الثلاثاء أكتوبر 25, 2011 9:51 pm

    وهي رجع الموضوع

    بس بدي احكي كم نقطة


    1- ما غلط يلي نقل الموضوع وانا منبه على المشرفين انو اي احتداد باي موضوع بيتطور لغلط على الاعضاء ينقلوه عالاشراف لحت شوفو وبعتذر على التاخير لانو الاتصالات عنا عم تنقطع دائما لهيك ما عم يصحلي فوت بكل الاوقات


    2- ياريت يلي بشوف رأي بيستفزو يحاول يتجنبو لانو هالشي بدل على الرقي عن العضو


    3- بتمنى بالنقاش بالمواضيع هي يعني السياسية يصير رد عالموضوع نفسو ومابدنا اقتباس بالمرة


    4- يستر على عرضكم هلكت بحذف الردود الخارجة عن الموضوع

    لهيك بتمنى من الكل يحترمو هالتعب وما يرجعو يفتحو هالموضوع شات

    ويردو على هالموضوع يلي بخص ليبيا ومالو علاقة بسوريا بالمرة
    Dr.mohammad
    Dr.mohammad
    عضو جديد
    عضو جديد


    المزاج : مارأيك بمقتل القذافي ؟  8911
    عدد المشاركات : 33
    العمر : 34
    السنة : الخامسة

    مارأيك بمقتل القذافي ؟  Empty رد: مارأيك بمقتل القذافي ؟

    مُساهمة من طرف Dr.mohammad الأربعاء أكتوبر 26, 2011 12:11 am

    هادا عشمنا بادارتكم
    شكرًا على إرجاع الموضوع

      الوقت/التاريخ الآن هو الخميس مارس 28, 2024 5:46 pm